ಕನ್ನಡ ಬರಹಗಳು.

 

ದಾಸವಾಳದ ಎಲೆಗಳ ಉಪಯೋಗಗಳು
1.ಚರ್ಮದ ಆರೈಕೆಗೆ :
ದಾಸವಾಳದ ಎಲೆಗಳನ್ನು ನುಣ್ಣಗೆ ಜಜ್ಜಿ, ಚರ್ಮದ ಕಪ್ಪು ಕಲೆಗಳ ಮೇಲೆ ಹಚ್ಚಿ,15-20 ನಿಮಿಷಗಳ ನಂತರ ತೊಳೆಯಬೇಕು .
ಚರ್ಮವನ್ನು ತಾಜಾ ಮತ್ತು ಹೊಳೆಯುವಂತೆ ಮಾಡಲು ವಾರದಲ್ಲಿ ಮೂರು ಬಾರಿ ಬಳಸಬಹುದು.
2.ಮೊಡವೆ ನಿವಾರಣೆಗೆ:
ದಾಸವಾಳದ ಎಲೆಗಳ ರಸವನ್ನು ಮೊಡವೆಯ ಮೇಲಿಟ್ಟು, ರಾತ್ರಿ ಪೂರ್ತಿ ಬಿಟ್ಟು
ಬೆಳಗ್ಗೆ ತಣ್ಣೀರಿನಿಂದ ತೊಳೆಯಬೇಕು.
3.ಹಾರ್ಮೋನ್ ಸಮತೋಲನಕ್ಕಾಗಿ:
ದಾಸವಾಳದ 5 - 6 ಎಲೆಗಳನ್ನು
ಒಂದು ಲೋಟ ಬಿಸಿನೀರಿನಲ್ಲಿ  ಹಾಕಿ 10 ನಿಮಿಷ ಕುದಿಸಿ, ದಿನನಿತ್ಯ ಕುಡಿದರೆ ಹಾರ್ಮೋನ್ ಅಸಮತೋಲನ ಸರಿಪಡಿಸಲು ನೆರವಾಗುತ್ತದೆ.

ದೋಸೆ ಹಿಟ್ಟಿಗೆ ಬಿಳಿ ದಾಸವಾಳದ ಹೂವುಗಳನ್ನು ಹಾಕಿ ದೋಸೆ ಮಾಡಿ ತಿಂದರೆ ಹೆಂಗಸರಿಗಾಗುವ ಬಿಳಿ ಮುಟ್ಟು ನಿವಾರಣೆ ಆಗುತ್ತದೆ.
ಮಹಿಳೆಯರಲ್ಲಿ ಮುಟ್ಟಿನ  ತೊಂದರೆಗಳಿಗೆ ಇದು ವಿಶೇಷವಾಗಿ ಸಹಕಾರಿ.
4.ಕೂದಲ ಆರೈಕೆಗಾಗಿ:
ಮೆಂತ್ಯ ಮತ್ತು ಮೊಸರಿಗೆ ನುಣ್ಣಗೆ ಜಜ್ಜಿದ ದಾಸವಾಳದ ಎಲೆಗಳನ್ನು ಸೇರಿಸಿ ಕೂದಲಿಗೆ ಹಚ್ಚಿರಿ ನಂತರ
ಅರ್ಧ ಗಂಟೆ ಬಿಟ್ಟು ತೊಳೆಯಿರಿ.
ಇದರಿಂದ ಕೂದಲು ಉದುರುವಿಕೆಯನ್ನು ತಡೆದು ಹೊಳೆಯುವ ಮತ್ತು ಆರೋಗ್ಯಕರ ಕೂದಲು ನಿಮ್ಮದಾಗುತ್ತದೆ.
5.ಗಾಯಗಳು ಗುಣವಾಗಲು :
ತಾಜಾ ಎಲೆಗಳನ್ನು ಜಜ್ಜಿ ಗಾಯದ ಮೇಲೆ ಹಚ್ಚಿ, ಬಟ್ಟೆಯಿಂದ ಮುಚ್ಚಿ ಬಿಡಿ.
ದಿನಕ್ಕೆ ಎರಡು ಬಾರಿ ಈ ವಿಧಾನವನ್ನು ಅನುಸರಿಸಿದರೆ ಗಾಯಗಳು ಕಡಿಮೆಯಾಗುತ್ತದೆ..
6.ಶೀತ ಮತ್ತು ತಲೆನೋವಿಗೆ:
 ತಾಜಾ ದಾಸವಾಳದ ಎಲೆಗಳ ಕಷಾಯ  ಸೇವಿಸಿದರೆ ತಲೆನೋವಿಗೆ ಮತ್ತು ಶೀತಕ್ಕೆ ಪರಿಹಾರ ದೊರೆಯುತ್ತದೆ.
ಈ ಕಷಾಯವನ್ನು ಕೆಮ್ಮು, ಕಫ ನಿವಾರಣೆಗೆ ಬಳಸಬಹುದು. ದಿನಕ್ಕೆ ಎರಡು ಬಾರಿ ಕುಡಿಯಿರಿ. ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ .
7.ಮುಖ ಬ್ಲೀಚ್ ಮಾಡಲು:
ಬಿಳಿ ದಾಸವಾಳದ ಹೂವನ್ನು ಕಿವುಚಿ, ಅದರ ರಸವನ್ನು ಮುಖಕ್ಕೆ ಹಚ್ಚಿ,15-20 ನಿಮಿಷದ ನಂತರ ತೊಳೆಯಬೇಕು. ಇದರಿಂದ ಚರ್ಮದಲ್ಲಿ ನೈಸರ್ಗಿಕ ಹೊಳಪು ಕಾಣಿಸಿಕೊಳ್ಳುತ್ತದೆ.
8. ದೇಹದ ನಿರ್ಜಲೀಕರಣ ತಡೆಯಲು:
ದಾಸವಾಳದ ಎಲೆಗಳಿಂದ ತಯಾರಿಸಿದ ಕಷಾಯವು ದೇಹದ ನೀರಿನ  ಸಮತೋಲನವನ್ನು  ಕಾಪಾಡುತ್ತದೆ..

9.ಕ್ಯಾನ್ಸರ್ ತಡೆಗಟ್ಟುವಿಕೆ : ದಾಸವಾಳದಲ್ಲಿರುವ ಪಾಲಿಫಿನಾಲ್‌ಗಳ ಕ್ಯಾನ್ಸರ್ ವಿರೋಧಿ ಗುಣಲಕ್ಷಣಗಳಿಂದ, ಕೆಲವು ಕ್ಯಾನ್ಸರ್ ಕೋಶಗಳ ಬೆಳವಣಿಗೆಯು ಕುಂಠಿತಗೊಳ್ಳುತ್ತದೆ.

10. ದಾಸವಾಳದ ಹೂ ,ಸ್ವಲ್ಪ ಸಕ್ಕರೆ ಬೆರೆಸಿ ತಿಂದರೆ ಅತಿಸಾರ ಕಡಿಮೆಯಾಗುತ್ತದೆ.

ಗಮನಿಸಿ:
ದಾಸವಾಳದ ಎಲೆ ಮತ್ತು ಹೂಗಳನ್ನು ಬಳಸುವ ಮೊದಲು ತ್ವಚೆಗೆ ಪರೀಕ್ಷೆ ಮಾಡಿ.
ಯಾವುದೇ ಅಲರ್ಜಿಯ ಲಕ್ಷಣಗಳು ಕಂಡುಬಂದರೆ ಬಳಸುವುದು ನಿಲ್ಲಿಸಿ ವೈದ್ಯರ ಸಲಹೆ ಪಡೆಯಿರಿ.