ಕರಿಮೆಣಸು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇವುಗಳಲ್ಲಿ ಅನೇಕ ಅದ್ಭುತ ಔಷಧೀಯ ಗುಣಗಳು ಅಡಗಿವೆ. ನಮ್ಮ ಅಡುಗೆ ಮನೆಯಲ್ಲಿ ಸಿಗುವ ಈ ಆಹಾರ ಪದಾರ್ಥದಿಂದ ಒಳ್ಳೆಯ ಆರೋಗ್ಯ ಪಡೆಯಬಹುದು ಎನ್ನುತ್ತಾರೆ ವೈದ್ಯರು.
ರೋಗಗಳ ನಿವಾರಣೆಗೆ ಕರಿಮೆಣಸನ್ನು ಬಳಸುವ ವಿಧಾನಗಳು:
ರೋಗನಿರೋಧಕ ಶಕ್ತಿ ಹೆಚ್ಚಿಸಲು:
ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಒಂದು ಕರಿಮೆಣಸನ್ನು ಜಗಿದು ಬೆಚ್ಚಗಿನ ನೀರಿನೊಂದಿಗೆ ಸೇವಿಸಬಹುದು.
ಕೀಲು ನೋವು ಮತ್ತು ಸಂಧಿವಾತಕ್ಕೆ:
ಹಾಲಿನಲ್ಲಿ ಚಿಟಿಕೆ ಕರಿಮೆಣಸಿನ ಪುಡಿ ಮತ್ತು ಸ್ವಲ್ಪ ಒಣ ಶುಂಠಿ ಸೇರಿಸಿ ಮಲಗುವ ಮುನ್ನ ಕುಡಿಯಿರಿ. ಇದರಿಂದ ಉರಿಯೂತ ಕಡಿಮೆಯಾಗುತ್ತದೆ.
ಕೋಬ್ಬು ಕಡಿಮೆ ಮಾಡಲು:
ಪ್ರತಿದಿನ ಆಹಾರದೊಂದಿಗೆ ಅಥವಾ ಮುಂಜಾನೆಯ ಟೀ/ಕಾಫಿಯೊಡನೆ ಕಾಲು ಚಮಚ ಕರಿಮೆಣಸಿನ ಪುಡಿಯನ್ನು ಸೇರಿಸಿ ಸೇವನೆ ಮಾಡಬಹುದು.
ವಿಷನಾಶಕ ಗುಣ:
ಒಂದು ಚಮಚ ಕರಿಮೆಣಸಿನ ಪುಡಿ ಮತ್ತು ಜೇನುತುಪ್ಪ ಬೆರೆಸಿ ಸೇವಿಸುವುದು ದೇಹದ ವಿಷಕಾರಿ ಅಂಶಗಳನ್ನು ಹೊರಹಾಕುತ್ತದೆ.
ಕೂದಲ ಆರೋಗ್ಯಕ್ಕಾಗಿ:
ಕರಿಮೆಣಸಿನ ಪುಡಿಯನ್ನು ತೆಂಗಿನೆಣ್ಣೆಯೊಂದಿಗೆ ಬೆರೆಸಿ ಕಾಯಿಸಿ ತಲೆಗೆ ಹಚ್ಚಿ ಕೆಲ ಹೊತ್ತಿನ ನಂತರ ತೊಳೆದುಕೊಳ್ಳಿ.
ಕ್ಯಾನ್ಸರ್ ತಡೆಗಟ್ಟಲು:
ಅರಿಶಿನ ಮತ್ತು ಕರಿಮೆಣಸನ್ನು ಬೆರೆಸಿ ನಿತ್ಯ ಸೇವನೆ ಮಾಡುವುದು ಕ್ಯಾನ್ಸರ್ ವಿರುದ್ಧ ಹೋರಾಡಲು ಸಹಕಾರಿಯಾಗಿದೆ.
ಹಾರ್ಮೋನು ಸಮತೋಲನಕ್ಕೆ:
ಕರಿಮೆಣಸನ್ನು ನೀರಿನಲ್ಲಿ ಅಥವಾ ಜೇನಿನಲ್ಲಿ ಸೇವಿಸುವುದರಿಂದ ಹಾರ್ಮೋನು ಸಮತೋಲನಕ್ಕೆ ಸಹಾಯ ಮಾಡುತ್ತದೆ.
ನಿದ್ರೆ ಸುಧಾರಿಸಲು:
ಚಿಟಿಕೆ ಕರಿಮೆಣಸು ಮತ್ತು ಶುಂಠಿಯನ್ನು ಹಾಲಿನಲ್ಲಿ ಸೇರಿಸಿ ರಾತ್ರಿ ಸೇವಿಸಿದರೆ ನಿದ್ರೆ ಸುಧಾರಿಸುತ್ತದೆ.
ಮಾನಸಿಕ ಒತ್ತಡ ಕಡಿಮೆ ಮಾಡಲು:
ಒಂದು ಚಮಚ ತುಪ್ಪದಲ್ಲಿ ಸ್ವಲ್ಪ ಕರಿಮೆಣಸ ಪುಡಿಯುನ್ನು ಬೆರೆಸಿ ತಿನ್ನುವ ಮೂಲಕ ಒತ್ತಡ ಕಡಿಮೆ ಮಾಡಬಹುದು.
ಶೀತ ಕೆಮ್ಮುಕಫ ಶಮನಕ್ಕೆ:
ಶೀತ, ಕೆಮ್ಮು ಮತ್ತು ಕಫ ನಿವಾರಣೆ ಹಾಗೂ ಉಸಿರಾಟ ತೊಂದರೆ ಶಮನಕ್ಕೆ ಕರಿಮೆಣಸಿನಿಂದ ತಯಾರಿಸಿದ ಕಷಾಯ ಬಳಸಬಹುದು.
ಹೊಟ್ಟೆಯ ಸಮಸ್ಯೆಗಳಿಗೆ:
ಹೊಟ್ಟೆನೋವು, ಗ್ಯಾಸ್, ಅಸಿಡಿಟಿಯಂತಹ ಸಮಸ್ಯೆಗಳಿಂದ ಬಳಲುತ್ತಿರುವವರು, ನಿಂಬೆರಸಕ್ಕೆ ಚಿಟಿಕೆ ಕಾಳುಮೆಣಸಿನ ಪುಡಿ ಸೇರಿಸಿ ಕುಡಿದರೆ ಪರಿಹಾರ ಸಿಗುತ್ತದೆ.
ಬೆನ್ನು ನೋವಿನ ಸಮಸ್ಯೆಗಳಿಗೆ ರಾಮಬಾಣ:
ಒಂದು ಕಪ್ ಬಿಸಿ ನೀರಿನಲ್ಲಿ ಒಂದು ಚಿಟಿಕೆ ಕರಿ ಮೆಣಸಿನ ಪುಡಿ ಮತ್ತು ಒಂದು ಚಮಚ ಬೆಲ್ಲದ ಪುಡಿಯನ್ನು ಹಾಕಿ ಚೆನ್ನಾಗಿ ಕುದಿಸಿ ಚಹದಂತೆ ಕುಡಿಯಿರಿ. ಇದು ಬೆನ್ನು ನೋವಿನ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ.
ಜೀರ್ಣಕ್ರಿಯೆಯಲ್ಲಿ : ಒಂದು ಚಮಚ ಬೆಲ್ಲದ ಪುಡಿಗೆ ಅರ್ಧ ಚಮಚ ಕರಿಮೆಣಸಿನ ಪುಡಿ ಸೇರಿಸಿ ತಿನ್ನುವುದರಿಂದ ಜೀರ್ಣಕ್ರಿಯೆ ಸುಧಾರಿಸುತ್ತದೆ
ಗಮನವಿಡಿ: ಕರಿಮೆಣಸನ್ನು ನಿಯಮಿತ ಪ್ರಮಾಣದಲ್ಲಿ ಮಾತ್ರ ಸೇವಿಸಬೇಕು. ಅನಾವಶ್ಯಕವಾಗಿ ಹೆಚ್ಚು ಸೇವಿಸಿದರೆ ಹಾನಿಯುಂಟಾಗಬಹುದು.ಅತಿಯಾದರೆ ಅಮೃತವು ವಿಷವೇ ಎಂಬುದು ನೆನಪಿರಲಿ.ಇವುಗಳನ್ನು ಅನುಸರಿಸುವ ಮುನ್ನ ವೈದ್ಯಕೀಯ ಸಲಹೆಯನ್ನು ಪಡೆದುಕೊಳ್ಳಿ